Canicattì, Salvatore Treppiedi: poesia su “Tri di Maiu”

Scritto da il 4 aprile 2016, alle 06:54 | archiviato in Arte e cultura, Canicattì, Cronaca, Photo Gallery. Puoi seguire ogni risposta attraverso RSS 2.0. Puoi lasciare un commento o un trackback a questo articolo

tri-di-maiu

Ei fu
Festa granni a Brualinu
Forsi  fallì  lu tri  di  maiu

Passà Pasqua e Pasqualuni / s’arricampa la Mmaculata,
in prucissioni a Santu Spiritu / ammuttata di muntata,
va a truvari  lu so figliu / ni lu lignu nchiuvatu e crucifissu,
purtannuci amuri e cumpuertu / e taliallu ni l’uecchi, fissu.

Lu cori  chinu avi di spini / ca ci portanu tantu duluri
pi st’omu ca vinni di ncelu / pridicannu spranza e amuri.
Ma ddru populu di pagani / lu so messaggiu nun cridìa,
misu ncruci, sulu dopu la morti / capieru ca era lu veru Missia.

Lu tri di maju a Brualinu / si fa allura na festa granni
tutta la genti ora lu prega / pi scansarici li malanni,
versu la Matri intercediennu / pi putìrisi fari ascuntari,
Iddru sulu ni po sarbari / picchì in paci vuliemmu campari.

Siemmu cumminti, ca sti preghieri / a lu Signuri sunnu graditi,
festeggiammu allura / cu vinu, ova duri e cacuecciuli arrustuti.
Lu Cristu ncruci di ddra ni talìa / e comu un patri ni binidirà,
ma a quantu pari lu sinnacu dici / ca auannu  la  festa  nun  si  farà.

Totò Treppiedi

Sorgente: Canicattì, Salvatore Treppiedi: poesia su “Tri di Maiu” | Canicatti Web Notizie

Annunci